Montée au créneau du Collectif de défense du Celavu
(A redazzioni d'Alta Frequenza) - U Cullittivu di difesa di u Celavu s'intarrugheghja pà ciò chì tocca a stallazioni pussibuli di un'unità di "transit, adunita o scumpartimentu di rumenzuli micca periculosi" annant'à a cumuna d'Auccià. Di più cà intarrugazioni, u cullittivu s'inchieta è dinunzia una mancanza tutali di trasparenza di u prughjettu. Par asempiu, quissu quì hè statu postu cù una simplici dichjarazioni in prifittura eppo in casa cumuna, senza studiu nè inchiesta publica prima. "Hè solu 6 mesi dopu chì a pupulazioni di u paesi hè stata invitata à […] cumintà un fattu effettivu". Hè ghjustu appuntu ssa pulitica di u fattu effettivu ch'ellu dinunzia u cullittivu, quillu chì "voli trasfurmà un spaziu rurali cù una vucazioni agricula in zona d'usu industriali". Altru mutivu di scuntintezza, u fattu chì a missa in opara di ssu prughjettu "sighi stata validata appuntu nanzi à l'aduzzioni di u PADDUC è u principiu di l'inchiesta publica in rilazioni à u pianu di gistioni è di privenzioni di i rumenzuli micca periculosi di a Corsica"
Steti à senta à José Brescaglia, u presidenti di u cullittivu.
Sur le même sujet
