Mobilisation des élèves du lycée agricole de Sartène
Si sò mubilizati marti i interni di u liceu agriculu di Sartè, da palisà i pessimi cundizioni di vita di u intirnatu, liati in gran’parti à a qualità di l’acqua, chì esci tarrazzunosa da i rubinetti.
Senza cuntà ch’idda manca l’acqua calda, è ch’iddu ci hè u pinseri à scaldà si. L’elevi sariani ancu stati ublicati à duscià si in lucala sterni, ch’iddi dicini malsani.
I interni ani signalatu disfunziunamenti chì sò pighjurati ch’hè un pezzu, è dumandani suluzioni. Ani stesu i so banderi, è ani fattu blucchimu llu stabilimentu cù paletti di legnu è cuntinidori di rumenzuli.
Dopu à parichji ori di blucchimi, pari ch’iddi sichini stati trovi suluzioni.
