Mobilisation de l'Associu Sulidarità à Borgo pour le rapprochement de trois prisonniers
(A redazzioni d'Alta Frequenza) - Ssu sabbatu, guasgi duicentu parsoni si sò aduniti davanti u centru penitenziariu di U Borgu à a chjama di l'Associu Sulidarità pà dumandà a cuncretisazioni di l'avvicinamentu di Cédric Courbey, Antoine Pes è Pascal Pozzo di Borgo. In fatti, duranti l'ultima visita nant'à l'isula di u presidenti di a Republica, François Hollande, u cabinettu di ss'ultimu avia datu u so accordu pà l'avvicinamentu di ssi trè prighjuneri in Corsica. Ma, par avà, nè u ministeru di a Ghjustizia, nè l'amministrazioni ani datu una seguita à què, ciò chì inchieta è mubilizeghja l'Associu, chì hà distribuitu ducumenti rivindicativi ghjustu dopu è chì si riserva u dirittu di fà altri azzioni in ssu sensu.
Steti à senta à Andrée Martini, a mamma di Cédric Courbey è vici presidenti di l'Associu Sulidarità.
