Mubilisazioni par sustena i licea agriculi di Corsica
Photo archives facebook STC
Hè lampata una chjama à tuttu « u mondu agriculu, puliticu, culturali è sindicali, pà una mubilisazioni ghjovi u 20 di marzu, à ugni ghjiratoghju strategicu di l’isula, da fà ci blucchimi o disturbà ni a circulazioni, in u filu di a greva di i parsunala di i licea agriculi lla Corsica.
Un’uparazioni à currilumaca hè privista, ghjovi à parta si da novi ori di mani, in u Campu di l’Oru è in Mezavia, par andà sinu à a DRAAF.
Via un cumunicatu, u STC ramenta, par contu soiu, chì « u ministeru di l’agricultura hà annunciatu accolti di classi è supprissioni di posti in i nosci stabilimenti, ben’ch’iddi ci sichini stati invistiti 18 miliona da a cullittività di Corsica ?
Ùn pudemu accità ch’idda sichi rimissa in causa a carta di i furmazioni vutata da i nosci eletti, parvia d’una pratesa ecunumia di 200 000€ à nantu à u bughjettu di u statu ».
