Militants nationalistes incarcérés à Paris, mineur placé en foyer éducatif : la famille dénonce un état qui s'attaque à nos enfants en muselant notre identité
Photo d'illustration
Trè di i cinqui omini trasfiriti in parigi vennari è prisintati à un ghjudici di struzzioni di a pracura naziunali antitarrurista sò stati missi in ditinzioni pruvisoria à a prighjoni di La Santé.
Sò stati missi in asaminu à mutivu d’associu di malfattori tarruristi.
I dui parsoni minori trasfiriti ancu iddi in parigi sò stati missi in asaminu pà u stessu mutivu, è piazzati suttu à cuntrollu ghjudiziariu.
Unu d’issi ghjovani hè statu missu in un centru aducativu in Marseglia.
Ci voli à ramintà ch’iddu hè statu trasfiritu in parigi senza ch’idda posca essa à torru ad iddu a so famidda, pà l’audizioni.
A famidda, d’altrondi, hà riagitu via i reti suciali, dinuncendu a situazioni è un’arristazioni arbitraria :
« Lisandru hè un ziteddu di sedici anni, cù i so dibulezzi è sinsibilità. Nè u so babbu, nè a so mamma ùn ani pussutu avè cuntattu incù iddu. Si hè ritrovu sradicatu fora di Corsica, po’ si hè vistu difesu di tarritoriu è missu pà un mesi in un centru in Marseglia : ramintemu chì mutivi à issa missa in centru ùn ci n’hè, cacciatu quiddu solu di chjamà si Peru, è d’essa fiddolu d’un anzianu prighjuneri puliticu.
Tinimu à averta i famiddi, chì issa riprissioni pò tuccà à n’importa quali in Corsica, chì u solu ughjittivu d’issu statu hè di piddà si ni à i nosci fiddoli, di nocia à a noscia identità è d’amutulì a ghjuvantù corsa ».
Sur le même sujet
