Michel Ciccada n'est plus
Semu intristiti monda, d’imparà ch’iddu si n’hè mortu issu ghjornu Michel Ciccada.
Michel Ciccada era un aiaccinu cunnisciutu bè, gran’viaghjadori è amatori di Napulionu. Ma era ancu un artistu. Avia datu nascita à u parsunaghju di « Monsieur Poulardin », cuntatu in pezzi di teatru o in storii à figuretti. Tuttu Aiacciu cunniscia l’estru macagnosu di Michel Ciccada.
L’omu s’era ancu avviatu in pulitica di manera pocu cunvinziunali, à spissu senza a marca d’un partitu, è pilu à nantu à a lingua ùn n’avia !
Michel Ciccada hà da mancà, in a cità impiriali. Ancu puri ch’idda ùn ribombi più a so voci cusì aiaccina pà issi stritti, u so ricordu firmarà par sempri in menti à quiddi chì l’ani cunnisciutu.
Radio Alta Frequenza prisenta à i soi tutti i so dulianzi sinceri.
Sur le même sujet
