Métro aérien Isularia : ça avance
(A redazzioni d'Alta Frequenza) - À pocu à pocu, u metrò aereu Isularia cresci. In fatti, l'architettura di u prughjettu hè stata pricisata ssu luni in cunfarenza di stampa da u futuru anzianu presidenti di l'Uffiziu di i Trasporti, u diputatu di a siconda circuscrizzioni di Corsica Suprana Ghjuvan Filici Acquaviva. U cartulari, chì sarà purtatu davanti a cumissioni aurupea da quì à a fini di l'annu, privedi un lanciamentu in trè parti, prima un metrò aereu Pisa - Bastia - Aiacciu - Olbia - Cagliari prima d'aghjustà à l'ultimu mumentu un metrò aereu Roma - Bastia o Aiacciu sicondu i ghjorni - Barcelona. U scopu, frà altru pà a prima fasa, offra dui passa è veni ogni ghjornu tutta l'annata trà a Corsica è l'Italia, pà un prezzu chì saria sicondu i primi studii di 120 auri par andà è pà vultà, u prezzu cullendu à 200 auri pà a linea Roma - Corsica - Barcelona. Tuttu què cù avviò trà vinti è trenta passaghjeri pà a prima linea è di sittanta passaghjeri pà a siconda. U scopu di ssu prughjettu chì inghjinnaria solu 5,7 millioni d'auri à l'annu di costu sicondu u studiu fattu, riescia ad apra a prima linea, dopu una chjama à ufferti, pà a statina 2019, è apra a Corsica di pettu à i so vicini ad altri orizonti.
Steti à senta à Ghjuvan Filici Acquaviva.
Sur le même sujet
