Le Direct

Météo : Vigilance orange pluie-inondation en Haute-Corse

(A redazzioni d'Alta Frequenza) - Da ssu luni da mani à 6 ori fin’è 3 ori di mani ind’a nuttata di luni à marti, u dipartimentu di Corsica Suprana sarà in  vigilenza aranciu pà l’acquati è l’inundazioni. Si tratta in fatti di un fenomenu d’acquati impurtanti chì si pruduci cinqui volti à l’annu in Corsica. Un episodiu di timpurali chì tuccarà a parti urientali di a Corsica, soprattuttu u liturali, a piaghja è i primi lochi d’altezza (Castagniccia, Monte Cardu, Fium’Orbu, Alta Rocca, Incudine). Fora di i fenomeni liati di regula à u timpurali (saetta, buffulati di ventu forti, intensità d’acqua forti, o ancu a grandina), si duvaria custatà duranti l’episodiu, vali à dì in 21 ori, trà 80 è 110 mm, è ancu trà 120 è 140 mm, in particulari in Castagniccia, in u Fium’Orbu è l’Alta Rocca. I venti à livanti sustinuti duvariani inghjinnà in fin di dopu meziornu annant’à a costa urientali marosuli assai alti di settori livanti, ciò chì pò impidiscia i fiumi custieri d’evacuassi com’ellu ci voli. I venti di sittori livanti ani da inghjinnà marosuli di settori livanti annant’à a parti urientali di  a Corsica.