Mesures du gouvernement contre la criminalité en Corse : la réaction de Paul Giacobbi
(A redazzioni d'Alta Frequenza) - Jean-Marc Ayrault avia adunitu stamani (luni) in Matignon, Christiane Taubira, Pierre Moscovici, Manuell Valls è Jérôme Cahuzac, pà una cuncertazioni interministeriali, nant'à a lotta contr'à a criminalità urganizata in Corsica. Dopu à issa riunioni, u primu ministru s'hè spressu è hà annunziatu parechji misuri. Una "strategia d'insemi di lotta contr'à a criminalità urganizata in Corsica" sarà missa in ballu, frà altru cù a firmatura da quì à pocu di una circulari di pulitica penali specifica pà a Corsica è a criazioni di una cellula interministeriali di cuurdinazioni. "Un'attinzioni particulari sarà purtata à a lotta contr'à l'imbiacamentu di soldi", hà dittu iss'ultimu. Prima riazzioni à i dichjarazioni di u primu ministru, quilla di Paul Giacobbi.
Écoutez le président de l'Exécutif de Corse.
