Menaces de mort contre Stéphane Sbraggia : la réaction de la majorité municipale
Eccu u cumunicatu di u merri d’Aiacciu è di a maiurità municipali, chì faci seguitu à i infurmazioni publicati issu ghjornu da a ridazzioni di Corse-Matin :
« Luni u 28 di nuvembri, u sicritariatu di Stéphane Sbraggia, u merri d’Aiacciu è prisidenti lla CAPA, hà ricivutu un currieri anonimu chì u minacciaia di morti.
U spiditori faci rifarenza à u votu, unanimu, di a dilibarazioni ch’ùn accunsenti à l’affittu anfiteoticu à prò di a sucità Gloria Maris, in u gran’situ di a Parata è di i Sanguinarii ».
« Di pettu à un gestu cusì pessimu, u cabinettu llu merri, a dirizzioni ginirali lli sirvizia lla cità d’Aiacciu è l’eletti lla maiurità municipali ramentani ch’idd’ùn si pò accittà ch’iddu si circhi à impaurì un elettu llu populu, da pruvà à impidì lu di purtà u mandatu ch’iddi l’ani datu l’aiaccini ».
Stéphane Sbraggia hà dicisu di purtà lagnanza « è voli incuraghjì tutti l’eletti è riprisintenti di l’auturità publichi vittimi d’agrissioni à fà com’è iddu : mancu ùn si ni parli di calà u capu di pettu à viulenza urdinaria, à spissu rinfurzata da i reti suciali ».
A cità d’Aiacciu cundanna senza ambiguità iss’andamenti : ùn si poni nè niguzià nè divida i valori lla dimucrazia, qual’ch’idda sichi a circustanza. Forsa a inchiesta pirmittarà di ritruvà, senza altru, l’autori d’issa indignità, da ch’idda doca, a ghjustizia, a sintenza chì cunveni », dici in chjudenda u cumunicatu.
