Menace sur la maternité de Porto-Vecchio : Municipalité et interco mobilisées depuis plusieurs mois
L’eletti municipali è intercumunali di Portivechju dicini ch’iddu hè un pezzu ad avali ch’iddi s’upponini à a chjuditura lla maternità.
Spiecani ch’iddi ani fattu parichji riunioni cù l’ARS par trattà issu sughjettu, in a prisenza di u diputatu Colombani, di u senatori Panunzi è di i dirigenti lla clinica.
« À quidda di u 28 di sittembri, ind’idda c’era a dirittrici di l’ARS, ani fattu sapè di manera unanima a so uppusizioni à a chjuditura d’issu stabilimentu di primura pà u tarritoriu. Ani ancu dumandatu misuri da binifizià d’una presa in carica cumpletta pà i donni è i criaturi, è ani chjamatu à una strutturazioni di a maternità, da guaranzì a cura da l’innanzi nascita à u dopu partu ».
À quidda riunioni, parichji scinarii sò stati pruposti da i riprisintenti llu tarritoriu.
Issi pruposti, à senta ni l’eletti « devini essa adatti à veru à a rialità di u nosciu tarritoriu campagnolu, luntanu da i spidala d’Aiacciu o Bastia, da pudè guaranzì a qualità di a midicatura pà l’abitanti di u suttanacciu ».
Steti à senta à Emmanuelle Giraschi, aghjunta à u merri di Portivechju in carica di a saluta è di u suciali, è eletta cumunitaria.