"Mémoires de Corse" avec Lily Figari
(A redazzioni d'Alta Frequenza) - Mémoires de Corse, eccu un'opara cullettiva chì adunisci più di una trintina d'autori ghjunta à tistimunià di a Corsica, di a so Corsica, à traversu à avenimenti pulitichi, suciali, culturali o tuttu simpliciamenti parsunali o di famighja. Ognunu hè ghjuntu cù a so piuma, sempri cù u so cori, da arricà una luci nant'à ciò chì era a Corsica di tandu, o quilla di un passatu più vicinu. Lily Figari, ghjurnalista, hà vulsutu trattà pà contu soiu un avenimentu forti di a so carriera : u ritornu di quilli ch'omu avia chjamatu "les otages du Liban", dui diplomati è un ghjurnalistu, da u cantu di a basa di A Sulinzara, di maghju di u 1988, calchì ghjornu nanzi à a rializzioni di François Miterrand contr'à Jacques Chirac à a presidenza di a Republica. Parolli duva racontu ghjurnalisticu è emuzioni parsunali di mischjani.
Lily Figari.
Sur le même sujet
