Le Direct

Médecins généralistes : les médecins corses soutiennent le mouvement de grève pour une revalorisation de la consultation

Dipoi luni, è sinu à u dui di ghjinnaghju, hè privistu un muvimentu di greva ind’è i medichi giniralisti.

A greva ùn hè tanta suvitata in Corsica, chì i medichi ani sceltu d’essa dispunivuli pà i so malati, ma i rivindicazioni sò sustinuti bè da i duttori isulani.

A rivindicazioni maestra saria di veda duppià u prezzu lla cunsultazioni, chì passaria tandu da 25 à 50 €.

I medichi spiecani issa rivindicazioni – chì pari quantunca sprupusitata ! - dindu ch’idda permetti di valurizà u so travaddu, ma ancu di creà impiechi, caccendu si una bedda parti di u travaddu amministrativu.

Issa sittimana, u ministru francesu di a saluta, françois braun, hà dittu ch’issa greva cascaia mali, in issi tempa chì u COVID, a grippa è a brunchiulita mettini u sistema midicali francesu in tinsioni.

Chì sarà tandu u pusiziunamentu di i medichi corsi ? Steti à senta a risposta d’Augustin Vallet, medicu giniralistu in Bastilicaccia è sicritariu ginirali di l’URPS di a Corsica.