Mauvaises conditions météos : deux débuts de noyade à Pietrosella
Ci sò stati d’altri intarventi di succorsu marti in Corsica, parvia di u pessimu tempu, chì pari ch’iddi ùn sichini stati intesi i ricumandazioni.
Certi sò andati à ciuttà si in acqua malgradu marimossu è banderi russi.
À nantu à i marini di Mari è Soli è di a Pitrusedda, dui parsoni a si sò sfrancata d’annigà si, truvendu si in gran’difficultà, mentri ch’iddi si bagnaiani in cor’di dopu meziornu.
Una a l’hà fatta à escia si ni da par idda da i marosuli, ma l’altra parsona, u mari a s’avia purtata.
Ci hè vulsutu ch’iddu intarvenga l’elicottaru di a ciandarmaria par sfrancà li la d’una pighjor’sorti.
