Mauvais temps en Corse : prudence !
(A redazzioni d'Alta Frequenza) - Chjama à a prudenza pà fenomeni di marosuli è summesioni, ventu, acqua è nevi in Corsica. L'isula hè tocca da buffulati forti di ventu da punenti à meziornu punenti di 100/110 chilometri par ora. U ventu di settori Punenti inghjenna marosuli forti annant'à u latu uccidintali di a Corsica Suttana. I marosuli poni inghjinnà summersioni marini lucalizati annant'à i parti bassi o debbuli di u liturali, par asempiu inde i golfi. L'acquati sarani più forti à punenti di l'isula fin'è stamani. I quantità aspittati in 24 ori annant'à i parti à punenti sarani trà 60 è 90 mm. A limita acqua è nevi hè versu 1000-1200 metri (Vizzavona), i quantità di nevi poni cullà trà 20 è 30 cm trà 1000 è 1300 metri è 50 cm sopr'à 1300 metri. I buffulati di ventu forti inghjinnarani forsa a furmazioni di rozza. A prudenza a più maiò hè racumandata.
Sur le même sujet
