Marine Le Pen en tête du 1er tour de la présidentielle en Corse : l'analyse d'André Fazi
(A redazzioni d'Alta Frequenza) - Le Pen-Fillon-Macron-Mélenchon : eccu l'ordini di i quattru candidati maiò dopu u prima ghjiru di l'alizzioni prisidinziali in Corsica, à l'arringuerciu di u nivellu naziunali induva Emmanuel Macron hè davanti à Marine Le Pen. A candidata di u Front National hè dunqua in testa nant'à l'isula cù guasgi 28% di i voti, in i dui dipartimenti, ma dinò in i dui cità maiò, Aiacciu è Bastia induv'ella franca i 30%. Un risultatu chì ùn hè micca pà daveru una surpresa, ma ch'ellu ci vularia à qualificà piuttostu di votu cuntistatariu inveci di votu ideulogicu, sicondu u pulitologu Andria Fazi. Un votu cuntistatariu, si pudaria dì dinò contr'à u sistema, chì hè raprisintatu piuttostu à u nivellu lucali duranti un'alizzioni com'è i tarrituriali da un votu à prò di i naziunalisti corsi. Cosa voli dì è chì pudariani essa i cunsiquenzi nant'à i futuri alizzioni nant'à l'isula ?
Steti à senta à Andria Fazi.
