Manifestations d'après Reims - Bastia : du sursis et des relaxes partielles ou totales
(A redazzioni d'Alta Frequenza) - Sei parsoni erani ghjudicati da u tribunali currizziunali di Bastia dopu à i manifistazioni di u 14 di farraghju davanti u cummissariatu di Bastia è di u 15 di farraghju davanti a gendarmeria di Corti, chì aviani suvitatu l’evenimenti di Reims u 13 di farraghju scorsu. Cuncirnendu u cummissariatu di Bastia, unu di i dui accusati hè statu cundannatu à 120 ori di travaghji d’intaressu generali è à un mesi di prighjoni attimpatu par avè ricusatu di dà u so ADN duranti a so guardia custodia, mentri chì un antru hè statu cundannatu à centru ghjorni amenda à 10 auri. Pà ciò chì tocca a gendarmeria di Corti, s’è unu di i quattru accusati hè statu assoltu di manera tutali, hè statu u casu dinò pà dui altri ma di manera parziali, postu ch’elli ani presu dui mesi di prighjoni attimpati pà una parti di i fatti chì l’erani rimpruvarati, unu hè statu cundannatu à dui mesi attimpati in più pà ricusu di dà u so ADN. Infini, un ultimu accusatu inde st’affari quì hè statu cundannatu à centu ori di travaghji d’intaressu generali. Una dicisioni nè parfetta, nè assai pessima, ma chì và ver di una vulintà di ghjirà a paghjina nant’à a parti isulana di ss’affari Reims-Bastia d’appressu à Benjamin Genuini, avucatu di dui di i sei accusati.
U stemi à senta.
Sur le même sujet
