Le Direct

Manifestation en soutien au monde agricole ce samedi après-midi à Aiacciu

(A ridazzioni d'Alta Frequenza) - Sabbatu in Aiacciu, à 2 ori, l’agricultori è quiddi chì i sustenini ani da falà in carrughju. U mondu puliticu è u mondu assuciativu ani dicisu d’essa prisenti par sustena i campagnoli corsi, chì sò à veru impinsiriti cù l’affari di l’aiuti auropeani. Hè da nutà chì una cuurdinazioni pà a salvezza lla pasturizia hè stata missa in anda, vennari, da l’assemblea di Corsica.

In tantu d’avè una riunioni da quì à quattru ghjorna, issa cuurdinazioni hà presu nota di quattru punti :

- A vulintà ch’idd’ani fattu senta a MSA, a SMAC è l’OEHC d’aiutà l’agricultori in difficultà.
- U pagamentu d’un avanzu (rimbursevuli) di 7000€, pà i pastori cuntrullati, è chì l’aiuti ùn l’ani tocchi. A sittimana ch’entri, l’ODARC duvaria fà una spirtizia ghjuridica d’issa misura d’urgenza.

- Un prughjettu di scontru in Bruxelles cù u cumissariu auropeanu à l’agricultura è u sviluppu campagnolu.

- Infini, una chjama à a sulidarità lampata à i cunsumatori è à a gran’distribuzioni, da aiutà i campagnoli corsi.