Le Direct

Manifestation en soutien à Pierre Alessandri et Alain Ferrandi à Corte : la mobilisation était là

Sabbatu in Corti, parichji millai di parsoni si sò accolti in sustegnu à Pierre Alessandri è Alain Ferrandi. U scopu era di dinuncià u mantinimentu llu statutu di DPS pà i dui prighjuneri pulitichi corsi.

A manifistazioni, chì ni chjamaia à u rispettu llu drittu, avia un beddu culori naziunalistu, tutti i partiti d’issa famidda pulitica issendu riprisintati. Erani prisenti, ben’intesa, i prisidenti di l’esecutivu è di l’Assemblea.

Cacciati i naziunalisti, era prisenti chivi jean-Sébastien de Casalta, vici prisidenti di a Liga lli Dritti di l’Omu di Corsica.
In quantu à i famiddi, l’ani priziata di cori, issa mubilisazioni.

Steti à senta à Marie-Rose Lebaler-Ferrandi.

A Liga di i Dritti di l’Omu, co-urganizatrici lla manifistazioni, à torru à « l’Ora di u Ritornu », spieca ch’iddu si caccia à i dui omini a pussibilità d’un ritornu prugrissivu à a vita nurmali . À senta ni à André Paccou, sò suttimissi à un rigimu chì s’assumidda, d’una certa manera, à una pena di prighjunia à vita.

Steti à senta à André Paccou.