Manifestation des lycéens à Portivechju pour dénoncer les conditions de détention des prisonniers politiques
(A redazzioni d'Alta Frequenza) - C'hè stata una manifistazioni liceana in Aiacciu pà i prighjuneri pulitichi corsi. L'elevi di u Fesch si sò aduniti in principiu di matinata cù un striscionu "Amnistia" è cù banderi corsi. In ssu mentri, c'hè stata un'antra manifistazioni in Purtivechju, induva à a chjama di a Ghjuventù Indipendentista, i liceani si sò aduniti quì dinò davanti u so stabilimentu. Ss'ultimi dinunziani i cundizioni d'incarcerazioni di i prighjuneri pulitichi corsi. In un cumunicatu, a GI sizziò Purtivechju dinunzia "l'accanimentu senza piantà di u Statu culunialistu francesi contr'à i nostri prighjuneri pulitichi, soprattutttu ss'ultimi ghjorni, cuncirnendu dui prighjuneri in particulari, Xavier Ceccaldi è Cédric Courbey, chì sò stati missi cù gattivezza à l'isulamentu cù metudi animali, in t-shirt è in short cù timperaturi chì mettini in periculu a so saluta dighjà debbuli di pettu à i so cundizioni di vita in prighjoni".
Sur le même sujet
