Manifestation d'Ajaccio : pour Edmond Simeoni, la Corse doit pouvoir prétendre à une démocratie normale
(A redazzioni d'Alta Frequenza) - Più di 20 000 parsoni (trà 22 è 25 000 sicondu l’urganizatori) ani rispostu à a chjama di i presidenti Simeoni è Talamoni pà a mubilisazioni Demucrazia è rispettu pè u populu corsu in Aiacciu, trè ghjorni nanzi à a visita in Corsica d’Emmanuel Macron. Un missaghju ghjuntu da i carrughji chì và ind’u sensu di l’ultimi alizzioni è di a risuluzioni vutata vennari à sera à l’Assemblea di Corsica da una maghjurità larga. Pà Edmond Simeoni, chì era in carrughju sabbatu, a Corsica devi pudè pratenda à una « demucrazia nurmali », cù u rispettu di i risultati eletturali è di i dumandi pupulari. « Semi aghjenti di dialogu », hà aghjustatu Edmond Simeoni, è di pettu à u dialogu dumandatu una suluzioni unica pà u guvernu d’Emmanuel Macron : a ghjustizia.
Steti à senta à Edmond Simeoni.
