Manifestation d'Ajaccio : le gouvernement doit changer de posture, pour Jean-Félix Acquaviva
(A redazzioni d'Alta Frequenza) - Più di 20 000 parsoni (trà 22 è 25 000 sicondu l’urganizatori) ani rispostu à a chjama di i presidenti Simeoni è Talamoni pà a mubilisazioni Demucrazia è rispettu pè u populu corsu in Aiacciu, trè ghjorni nanzi à a visita in Corsica d’Emmanuel Macron. Un missaghju ghjuntu da i carrughji chì và ind’u sensu di l’ultimi alizzioni è di a risuluzioni vutata vennari à sera à l’Assemblea di Corsica da una maghjurità larga. Ghjuvan Filici Acquaviva, u diputatu di u sicondu circondu di Corsica Suprana, era in carrughju sabbatu. Par ellu, a Corsica hà fattu a dimustrazioni demucratica di i so brami. Ci voli chì u guvernu cambiessi oghji di pustura di pettu à ella è piantessi frà altru di ricusà d’una manera sistematica tutti i so dumandi.
Steti à senta à Ghjuvan Filici Acquaviva.
