M, IZIA, Bernard Lavilliers, Ibrahim Maalouf et tant d'autres à l'affiche dès 32èmes Nuits de la Guitare de Patrimonio
Da u 18 à u 25 di luddu, i Notti di a Ghitarra di Patrimoniu ani da fà i so trenta anni.
I passiunati di i sei cordi ci pudarani scopra, pà i cuncerti d’apartura, à Stochelo Rosenberg è Joscho Stephan, à Fred Chapelier, à Ida Nielsen, u duettu Eric McFadden è Pat McManus, o ancu à Lucas Imbiriba.
Pà i capispittaculi, hè Luz Casal chì aprarà u fistivali u 18.
Po’ si sintarani è vidarani, longu à issi notti, à Chico et les Gypsies, à Louis Bertignac, à Ibrahim Maalouf, à Bernard Lavilliers, à Marcus Miller, à Izïa è infini à M.
Hè difficiuli sempri di più à mantena issa qualità, masimu chì sò crisciuti i paghi di l’artisti. Senza cuntà chì, ugnitantu, pò ancu affaccà un pinseri lughjisticu : hè parvia di quisssa chì, quist’annu, capispittaculi internaziunali ùn si n’hè pussutu riceva di più.
Eppuri, hè bedda prisenti l’alligria, à l’affaccà di u fistivali.
Steti à senta à Bernard Gilormini, chì n’hè u prisidenti.