Le Direct

Lucien Felli : l’omu di fedi è di passioni si n’hè andatu

Si n’hè mortu marti matina Lucien Felli ; t’avia 76 anni.
Difindidori di a causa corsa, naziunalistu di i primi mumenti, omu di drittu, hè statu Lucien Felli di tutti i lutti pulitichi, ghjudiziarii o ancu spurtivi.

Hè statu unu di i primi avucati à impignà si in i prucessi pulitichi liati à a Corsica, ed era ancu impignatu bè in a difesa di i dritti di l’Omu è di i minurità.

Amatori di ballonu, era u fundatori lla Squadra Corsa. Lucien Felli, omu di gran’ valori, mancarà à veru à a Corsica.

L’amicu, l’omu di fedi è di passioni si n’hè andatu, è a so piazza firmarà viota pà u sempri. À i soi tutti, a squadra d’Alta Frequenza prisenta i so dulianzi sinceri, è di cori, in un ultimu abbracciu.