Logement : l'appui de la Caisse des Dépôts
(A redazzioni d'Alta Frequenza) - A Caisse des Dépôts hà prisintatu a sittimana scorsa u so bilanciu d’attività in Corsica pà l’annu 2013, un bon bilanciu pà ss’urganisimu di Statu maiò, finanziadori maestru, grazia à i so banchi, pà u finanziamentu di i cullettività lucali è tarrituriali. A Caisse intarveni par asempiu ind’i muntami finanziari pà ciò chì tocca l’alloghju, suciali in particulari, l’intrapresi è ciò ch’è no chjamemi i PME, l’università è u sviluppu durevuli. Rammintemi chì pà l’annu 2013, hà cuntrattualizatu 59 millioni d’auri d’imprestiti, mentri ch’ella devi 229 millioni ; hà finanziatu 354 alloghji è n’hà rinnuvatu guasgi 1000. L’alloghju, ughjettu di tutti l’attinzioni di tutti i candidati in campagna pà l’alizzioni municipali, hè sustinutu da a Caisse des Dépôts. Si senti sempri dì quì o culà chì a mancanza d’alloghji, suciali soprattuttu, hè inghjinnata da una mancanza di finanziamentu, publicu in particulari.
Steti à senta u parè di Nathalie Duhamel, direttrici pà a Corsica di a Caisse des Dépôts.
Sur le même sujet
