Livia : un des plus beaux chapitres de l'histoire du village se referme
T’avia in cori i so dui paesa : quiddu di a so nascita in un altru cuntinenti, u Malì, è quiddu ch’iddu avia fattu soiu è chì l’avia fattu soiu, a Corsica.
Ghjuntu in Livia à pena dopu à a guerra d’Algiria, Abdù hè duvintatu un fiddolu di l’Alta Rocca, un fiddolu d’issa tarra è d’issa lingua, ch’iddu parlaia cusì bè !
Ci hà allivatu a so famidda, cù issi valori di cori è d’umanità chì funi soi, cù issu sensu llu tarroccu è issa suciabilità ch’iddu spartia senza altru.
Incù Abdù, ùn ci era tantu à parlà d’integrazioni : era di quì, era di i nosci è basta !
Eppuri, mai ùn rinigò a so cultura è i so urigini.
Abdù Alkalifa si n’hè andatu in iss’austu llu 2023, lachendu si tristi è scunsulati a so famidda è u so paesu.
Issa famidda, oramai, si hè allargata in i circondi purtivichjacci, è sempri porta issi valori di rispettu.
Incù Abdù, si chjudi un capitulu tamantu d’issa cultura spartuta, d’issa capacità à fà surghja corsi veri.
