Lisandru Plasenzotti : la sonnette d'alarme de la Ligue des Droits de l'Homme
(A redazzioni d'Alta Frequenza) - "Lisandru hè in greva di a fami dipoi 45 ghjorni. U so statu di saluta ùn pianta d'andà di peghju. Hè intrutu ind'u prucedimentu di distruzzioni fisica chì và ver di cunsiquenzi pà u sempri" dichjara ind'un cumunicatu a Lega di i Diritti di l'Omi à prupositu di u casu di Lisandru Plasenzotti. "L'amministrazioni carcerali aspetta una perdita di cunniscenza impurtanti da purtà lu à l'uspidali. U ghjudici u voli intarrugà à u so 54 ghjornu di greva di a fami" cuntinueghja l'urganisazioni. Iss'ultima chjama ghjustu appuntu à un'adunita di sustegnu, stasera (luni) à 6 ori davanti à a prifettura di Corsica in Aiacciu. Si tratta di dumandà cusì l'uspitalisazioni di u ghjuvanottu è u so intrattenu di subbitu da u ghjudici Choquet. Issa chjama hè lampata da a famighja Plasenzotti, l'amichi di a famighja, a Lega di i Diritti di l'Omi, u Cumitatu Vérité Justice ma dinò da tutta l'urganisazioni pulitica, sindicali, associu, è da qualsiasi parsona chì ci si volini assucià.
Sur le même sujet
