Libération conditionnelle de Lionel Dumont et sort réservé aux nationalistes corses : deux poids, deux mesures selon Femu
« Lionel Dumont, anzianu gihadistu è membru di a banda ditta di « Roubaix », cundannatu in u 2007 à 25 di prighjoni incù una pena di sicurità, hà avutu una libarazioni cundiziunali dopu à 18 anni di prighjunia », dici Femu a Corsica in un cumunicatu.
« Cù issa libarazioni cundiziunali, hà da pudè campà in meza libartà in u Nordu, u so locu d’urigina », dici u muvimentu.
« Issa dicisioni metti in risaltu l’insuppurtevuli iniquità di u trattamentu fattu à i prighjuneri pulitichi corsi, chì i so dumandi di libartà cundiziunali è d’acconciu lli so peni sò sempri ricusati », pricisa Femu a Corsica, chì voli palisà « una pulitica ch’hè à veru unu scandalu, da fà fiddoli è fiddani », o par dì la altrimenti, fatta à colpa di « a raghjoni hè toia ma a capra hè meia ».
Steti à senta à François Martinetti, u sicritariu naziunali di Femu a Corsica.
