Xavier Lacombe perdi a so immunità parlamintaria
U canali televisivu LCP hà dittu marcuri chì à Xavier Lacombe, li s’era stata tolta l’immunità parlamintaria.
« U scagnu di l’assemblea naziunali hà validatu, marcuri u novi d’aprili, a tolta di l’immunità parlamintaria di u diputatu llu Pumonti Xavier Lacombe (Horizons), chì sedi à u palazzu Bourbon da rimpiazzanti di u ministru Laurent Marcangeli. Di ghjinnaghju, u merri di i Peri era statu missu in asaminu pà un affari di pracuri suspetti, pà l’alizzioni tarrituriali di ghjunghju di u 2021.
Issa dumanda era stata trasmissa, via u ministru lla ghjustizia gérald darmanin, à a prisidenti Yaël Braun-Pivet.
A richiesta di dumanda di tolta di l’imunità parlamintaria hè stata asaminata in u filu di l’alinea 2 di l’articulu 26 lla custituzioni, chì dici chì nisciun’membru di u parlamentu ùn pò essa l’ughjettu, à liveddu criminali o currizziunali, d’una arristazioni o di qual’sia si altra misura privativa o ristrittiva di libartà, senza l’auturisazioni di u scagnu di l’assemblea di u quali iddu faci parti », spieca LCP.
