Les visites aux patients hospitalisés sont strictement interdites au centre hospitalier de la Miséricorde à Ajaccio
Parvia ch’idd’hè signalata da zona russa a Corsica pà u Covid 19, visiti à i malati ùn si ni pò più fà, à u spidali lla Misericordia, in Aiacciu.
À colpu à colpu, si pudarà lintà un ochji à situazioni particulari, da accunsenta à calchì dirugazioni.
Pà uni pochi di sirvizia, sò privisti adattazioni :
In pidiatria, hè pussibuli a visita dirugatoria llu sicondu parenti, cù l’accunsentu di u pediatru, rispittendu ben’intesa i cunsigni igienichi spicifichi. À u parenti chì ferma a notti, li sarà visticatu u Covid 19.
In maternità è neunatalugia, hè pussibuli a visita dirugatoria llu sicondu parenti, à l’ori abituali, rispittendu sempri i cunsigni igienichi spicifichi.
In sala di partu, pò firmà una parsona sola, scelta da a parturiscenti.
In rianimazioni, una visita dirugatoria si pò uttena, dopu avè ni discorsu cù u sirviziu.
Sur le même sujet
