Les suites de la cyber-attaque contre l'OEHC
Issu marcuri, l’Uffiziu Idraulicu lla Corsica hà publicatu un cumunicatu, da dà calchì pricisioni dopu à u ciberattaccu chì l’hà toccu, in a notti da u 2 à 3 di nuvembri.
« Ùn avemu datu risposta à a dumanda di cuntattu, nè mancu avemu avviatu niguziati cù l’attaccanti.
Eccu dunqua à chì n’hè a situazioni oghji :
• L’attività principali sò assicurati nurmalmenti.
• L’attività di gistioni lli clienti, d’accolta è di fatturazioni sò stati tocchi ma viaghjani sempri è prestu viaghjarani à 100 %.
• A situazioni a più difficiuli tocca a gistioni cuntabili è finanziaria di u stabilimentu. Certi dati ùn si poni tuccà par avali.
A gistioni di i parsunala, di i paghi, è u sirviziu d’ingignaria sò tocchi ancu iddi. Sò stati missi in anda suluzioni, da ritruvà una situazioni nurmali à u più prestu.
À liveddu ghjudiziariu è stituziunali, hè stata sposta una lagnanza è un signalamentu hè statu fattu à a CNIL.
Sur le même sujet
