Les sapeurs-pompiers de Haute-Corse ont reçu quatre nouveaux véhicules de secours
U SIS llu Cismonti si hà buscu luni quattru veiculi novi. Trè di quissi sò VSAV, vali à dì ambulanzi. Issi veiculi sò stati attribuiti à i caserni di Corti, Lucciana è Cervioni.
L’unità di i succorsi in muntagna si hà buscu un veiculu di foristrada.
Issi quattru ardigni sò custati 290 000€, finanzati à 80 % da a Cullittività di Corsica, par via di un pianu pluriannincu di setti miliona d’auri à l’annu. 1,7 d’issi miliona ghjuvarani à rinuvà u parcu lli veiculi.
Cù issu pianu triannincu, avviatu dighjà, sarani cambiati 20 veiculi ugni annu.
Issa rinuvera hè à veru di primura, par mantena una qualità alta di succorsi, ma dinò cundizioni di travaddu ottimi. Masimu chì i spinghjifoca sò sullicitati sempri di più.
Steti à senta à Hyacinthe Vanni, u prisidenti llu SIS2B.
Da pudè guaranzì succorsi sicuri, issi veiculi t’ani bisognu d’echippamenta di qualità, chì ben’intesa facini cuddà i prezza : un’ambulanza di succorsu à i parsoni costa 70 000€, è un veiculu pà i succorsi in muntagna si paga 80 000€.
U invistimentu u più grevu hè privistu in cor’di iss’annu, cù un scalonu di 32 metra pà a caserna di Bastia, chì custarà 600 000€.
Steti à senta i spiicazioni di u culineddu Pierre Pieri.
Sur le même sujet
