Les quatre aéroports de Corse reçoivent le Certificat Européen de Sécurité Aéroportuaire
(A redazzioni d'Alta Frequenza) - Dopu à l'aeruporti di Bastia Puretta è di Calvi, sò quilli d'Aiacciu è di Figari chì ani ricivutu ssu marcuri u Certificatu Aurupeu di Securità Aeropurtuaria, da i mani di u direttori di a securità di l'Aviazioni Civili di u meziornu livanti. Un ducumentu chì ricunnosci u rispettu di l'esigenzi novi di securità difiniti da l'Unioni Aurupea è l'Associu Aurupeu di Securità Aerea. Cuncerna par asempiu l'urganisazioni è a spluttazioni di l'infrastrutturi aeronautichi è dà à u spluttadori aeropurtuariu un rollu di capimachja di a securità di tutti i so piattaformi. Una certificazioni chì hà da parmetta un sviluppu più forti di ss'aeruporti, cù a pussibilità d'accoglia avviò più maiò è di batta à prò di l'apartura di ligni novi.
Steti à senta à Laurent Poggi, in carica di a spluttazioni aeropurtuaria pà a piattaforma d'Aiacciu in a Camara di Cummerciu è d'Industria d'Aiacciu è di Corsica Suttana.
Sur le même sujet
