Les proches de Stéphane Tomasini se mobilisent pour demander sa liberté conditionnelle
(A redazzioni d'Alta Frequenza) - Azzioni in Corsica sana ssu ghjovi, 40 000 fuglietti distribuiti dipoi u principiu di a sittimana da u nordu à u meziornu di l'isula, striscioni ind'i quattru tribuni di u stadiu Armand Cesari ghjustu nanzi à l'ultima partita di u SC Bastia in casa soia. Azzioni ricenti di a famighja è di l'amichi di Stéphane Tomasini, 24 anni, suspittatu d'avè participatu à un attentatu cù una vittura contr'à a sottu prifittura di Corti d'aprili di u 2012. Nega qualsiasi impegnu inde l'attentatu, u cartulari hè d'altrondi biotu sicondu a so famighja è u so avucatu, ma par avà, hè sempri in prighjoni di manera pruvisoria in u rughjonu di Parighji, postu chì n'è un avvicinamentu, nè una liberazioni cundiziunali sò stati accittati. Una petizioni nant'à a tela hè stata lanciata ss'ultimi ghjorni pà dumandà a so liberazioni, nant'à u www.petitions24.net/justicepourstephane , è guasgi 1 500 signaturi sò dighjà stati racolti.
Steti à senta à Maryse Marcantoni Tomasini, a mamma di Stéphane Tomasini.
Sur le même sujet
