Le Direct

Les personnels d'EHPAD manifestent devant l'Agence Régionale de Santé à Ajaccio

(A redazzioni d'Alta Frequenza) - Fà chì i residenti d'EHPAD ùn sighini più "maltrattati" par via d'una mancanza di tempu è di mezi : eccu a rivindicazioni maiò di i parsunali di ssi stabilimenti, chì ani manifistatu davanti à l'ARS d'Aiacciu. Sustinuti frà altru da a CGT, ani dinunziatu cundizioni di travaghju assai difficiuli chì ùn parmettini micca d'occupassi d'una manera curetta di i nostri anziani, ridutti solu à essa lavati una volta à simana, mentri chì i spesi d'alloghju sò cunsiquenti. Tempi di cura più corti par ogni pazienti è gistioni di i dumenicati assai cumplicati, chì ùn parmetti micca di trattà l'urghjenzi, sò missi in avanti dinò. Oghji, i prufiziunali sò stanchi è stimani ch'ellu ùn si pò adimetta chì i parsoni anziani divintessini un inghjocu ecunomicu pà u Statu è i dirighjenti di stabilimenti. U Statu è i direzzioni di stabilimenti, ghjustu appuntu, devini cambià l'affari è metta i mezi da fà chì i nostri vechji sighini trattati cù dignità, dicini l'urganisazioni. Un mughju è una rivindicazioni forti pà l'urganisazioni sindicali è l'impiegati.

Steti à senta à Marie Pierre Sereni, raprisintanti CGT inde l'EHPAD UMCS 2A di Cavru.