Les parents d'élèves soutiennent les agents du collège de Porto-Vecchio
Luni in Portivechju, i parenti d’elevi eletti di u culleghju Maria de Peretti ani bluccatu u stabilimentu, « da purtà sustegnu à l’agenti tarrituriali chì si patini un travaddu più grevu, postu chì dipoi ghjunghju llu 2023, dui agenti in arrestu ùn sò stati rimpiazzati ».
« A cantina hè stata mantinuta gramazia à a vulintà di l’agenti chì fermani, ma par disgrazia sò parichji mesa ch’iddu si tira à nantu à a corda. U parsunali hè sfiatatu, masimu chì certi volti, agenti ùn ci n’hè chè cinqui quand’iddu ci ni vurria deci », dicini i parenti.
I parenti, d’altrondi, ani lampatu una chjama bedda chjara à a Cullittività di Corsica, ch’idda risolvi issi pinsera. Via una riunioni in visiocunfarenza, uni pochi di guaranzii sariani stati dati, par ciò chì tocca à u rimpiazzamentu, à parta si da marti, di l’agenti chì mancani.
Steti à senta à Yves Gaudemard, u riprisintenti di i parenti.
Sur le même sujet
