Les obsèques d'Yvan Colonna seront célébrées ce vendredi à Carghjese
Vennari dopu meziornu, Yvan Colonna sarà intarratu in Carghjesi, u so paesu.
A so salma partarà à meziornu da u spaziu funerali d’Aiacciu, è a missa si farà à 3 ori in a ghjesia latina.
Chjami pà renda li umaghju, ci n’hè statu tantu.
L’associu Sulidarità dumanda « à i partiti pulitichi, i sindicata, i strutturi prufiziunali, l’amministrazioni è spicialmenti à u cunsigliu esecutivu di l’assemblea corsa di rispittà un ghjornu di dolu naziunali issu vennari, u 25 di marzu ».
U PNC, chì ni chjama ancu iddu à un ghornu di dolu naziunali, pruponi di « chjuda lochi publichi è privati, da manifistà sustegnu ».
Femu a Corsica chjama « tutti i corsi bramosi di salutà a mimoria d’Yvan Colonna è di tistimugnà a sulidarità cù a so famidda, ma ch’ùn pudariani essa prisenti in Carghjesi, à metta in anda in a Cosica sana iniziativi simbolichi pà sprima u dolu di u nosciu populu : banderi calati, aduniti, minuti di silenziu à 3 ori, suspesa d’attività, missi, veghji... ».
