Les obsèques d'Edmond Simeoni ont été célébrées à Lozzi ce lundi
(A ridazzioni d'Alta Frequenza) - In a ghjesia di Lozzi, ùn sò stati chè uni pochi à pudè ci entra, trà i middi parsoni ghjunti à renda l’ultimu umaghju à Edmond Simeoni. S’era adunita tutta a famidda naziunalista pà issa cirimonia, ma dinò tanti pulitichi chì ùn spartini iss’idea. Nicolas Alfonsi, Camille de Rocca Serra, Jean Martin Mondoloni Jean Charles Orsucci, François Pupponi o ancu Jean Lassale, ghjuntu apposta in Corsica, ani unuratu a mimoria d’Edmond Simeoni. A missa, ditta da u vescu d’Aiacciu pà a Corsica, Munsignori de Germay, l’hà purtata a voci di parichji cantarini isulani, ghjunti, ancu iddi, à renda umaghju. I fiddoli d’Edmond Simeoni, Marc et Gilles, ani, in i so discorsi carchi à emuzioni, unuratu a mimoria llu so babbu, un omu di prima trinca, un omu priziosu pà a Corsica tutta.
Sur le même sujet
