Les nouvelles Urgences de l'hôpital d'Ajaccio inaugurées
(A redazzioni d'Alta Frequenza) - Dopu à dui anni di travaghji, i novi Urghjenzi di l'uspidali d'Aiacciu sò stati inaugurati ssu marti, è aprarani i so porti à i pazienti ssu marcuri. Una struttura muderna di una superficia di 1 300 metri quadrati è cù matiriali novi framanti, chì rimpiazza l'anzianu serviziu di l'Urghjenzi, troppu chjucu è chì inghjinnava difficultà, pà migliurà l'accolta è a presa in carica di i pazienti ma dinò i cundizioni di travaghju di i parsunali. Ss'arnesi novu t'hà quattru sali di chirurgia, sei sali di medicina, una di pediatria, ottu letti d'uspitalisazioni di durata corta cù scopi, un'unità di presa in carica di l'urghjenzi assuluti, una zona d'attesa eppo una sala d'isulamentu o di survighjenza di ditenutu. Cinqui filieri di curi cumponini ssu serviziu largu : a filiera corta, chì si pò lià à una presa in carica ambulatoria, a filiera longa o di curi chjinati, a filiera urghjenzi vitali, i filieri spicializati (pediatria, neurolugia, cardiulugia, psichiatria), è infini a filiera uspitalisazioni di durata corta. Ss'urghjenzi novi ani custatu 5 250 000 auri, chì ghjunghjini da un finanziamentu ministiriali di più di 9 millioni d'auri pà mudernizà di manera più glubali l'uspidali d'Aiacciu.
Steti à senta u Duttori Vincent Martelli, in carica di u serviziu di l'Urghjenzi di l'uspidali d'Aiacciu.
Sur le même sujet
