Les locaux du Groupe d'intervention régional visés par un attentat
(A redazzioni d'Alta Frequenza) - Ci hè statu un attentatu stanotti in Aiacciu (di sabbatu à dumenica). Hà toccu lucali chì appartenini à u Gruppu d'intarvinzioni righjunali vicinu à l'aeruportu Napoléon Bonaparte. I fatti sò accaduti versu 3 ori di mani. Dopu à issa splusioni, ci hè statu un focu chì hà inghjinnatu disguasti impurtanti dinò, sicondu a prifittura di Corsica. U GIR, creatu in u 2002, t'hà frà altru par missioni di cunfiscà i bè di i criminali. Dopu à iss'attentatu, ci sò stati i cundanni di Manuel Valls, Christiane Taubira ma ancu di a Lega di i Diritti di l'Omi. A sizzioni anti terrurista in Parighji hè incaricata di l'inchiesta.
Sur le même sujet
