Les élus de la Corse ont prêté serment sur la Constitution corse de Pasquale Paoli de novembre 1755
(A redazzioni d'Alta Frequenza) - L'eletti di a Corsica ani fattu ghjuramentu torna ssu marti duranti a stallazioni di a cullittività unica in Aiacciu. Dui anni fà, l'aviani fatta nant'à a Giustificazione della rivoluzione di Corsica, un testu chì dinunziava a gattiva gistioni ghjenuvesi à u diciottesimu seculu, è a brama di i Corsi d`ùn essa più sottumessi à a suvranità di a republica. Oghji, hè un antru testu chì hè statu sceltu, u preambulu di a Custituzioni corsa di Pasquale Paoli, vutata di nuvembri di u 1755 duranti a cunsulta di Corti. Ssa custituzioni hè cunsidarata da parechji com'è a prima custituzioni demucratica di a storia muderna. T'avia com'è scopu di dà u puteri assulutu à u Guvernu di a Nazioni corsa purtata da Pasquale Paoli. U testu adupratu pà a ceremonia di stallazioni era a replica esatta in facsimuli di u testu urighjinali.
Sur le même sujet
