Les députés Pè a Corsica se préparent à la bataille constitutionnelle pour la Corse
(A ridazzioni d'Alta Frequenza) - Ani da essa beddi zippi, i prossimi ghjurnati, pà i trè diputati Pà a Corsica, chì l’hà da tuccà à difenda uni beddi pochi d’amindamenti, in lu quadru lla legi di rivisioni custituziunali. Iss’amindamenti ani da essa studiati da a cumissioni di i legi, da u 19 à u 21 di ghjunghju. Da cunvincia altri diputati di sustena issa dimarchja, ci sarà una cunfarenza, u 21 di ghjunghju, in a sala Victor Hugo di l’assemblea naziunali. Issa riunioni, chì hè fatta a intinzioni lli diputati è di a stampa parigina, trattarà di l’autunumia lli tarritoria, ch’idda sichi in Corsica, in l’isuli Aland o in l’oltrimari. Sarani prisenti prufissori di drittu custituziunali, di drittu publicu, è urganismi aurupei chì s’impegnani in la prublimatica lli populi minuritarii. L’amindamenti lli trè diputati, fatti da arricchì l’articulu 72-5 chì sarà prupostu da intigrà a Corsica in a custituzioni, sarani prisintati cù u sustegnu di diputati cuntinintali è d’oltrimari. Jean Félix Acquaviva, u diputatu lla siconda circuscrizzioni llu cismonti ci ni parlarà in l'edizioni à vena
Sur le même sujet
