Les Corses sont les premiers cinéphiles de France et fans de longs-métrages américains
Les Corses sont les premiers cinéphiles de France et fans de cinéma américain
(A ridazzioni d'Alta Frequenza) - Dici unu studiu publicatu da u Centru Naziunali llu Sinemà è di l’imagina animata (CNC) chì a Corsica hè trà i primi righjoni pà a friquintazioni lli sali di sinemà. Annu, in u 2017, i 21 sinemà di l’isula ani vistu passà 690000 spittatori, cù dunqua un parcintuali d’accupazioni lli futtoglia chì saria u più altu di francia. À liveddu lli dipartimenta, hè u Pumonti chì viaghja u meddu, cù 435000 intrati, è 257000 in Cismonti. U Corsu và dui volti à l’annu, à l’ingrossu, à veda un filmu à u sinemà. Iss’intrati avariani purtatu una ricetta di 4,61 milliona d’auri. I filmi i più visti sò stati Star Wars, Le Dernier Jedi cù 21000 intrati, Moi Moche et Méchant 3, guasgi à paru, Cinquante nuances plus sombres cù 20000, è infini la belle et la bête cù 18000 intrati. In Corsica, in u 2017, 622 filmi sò stati prugramati, trà i quali 363 inediti.
Sur le même sujet
