Les collèges et lycées de Corse ont rendu hommage à Dominique Bernard, professeur victime du terrorisme à Arras
A dui ori llu dopu meziornu, si hè fatta à u culleghju di Biguglia com’è in ugni locu a minuta di silenziu in umaghju à Dominique Bernard, u prufissori tumbu da un islamistu à u liceu d’Arras.
Michel Prosic, u prifettu llu Cismonti, hè statu ancu iddu di iss’umaghju, accumpagnendu elevi, prufissori è parsunala llu culleghju.
Po’ hà presu a parolla, dendu u so sustegnu à a cumunità educativa è accirtendu ch’idda si cuntinuvaria a sicurisazioni di i bastimenta.
Steti à senta à Michel Prosic, prifettu llu Cismonti.
Pà i prufissori, trè anni dopu à l’attintatu islamistu ind’iddu persi vita Samuel Paty, hè impurtanti iss’umaghju, ùn sichi chè par gistì l’emuzioni, chì i cosi pari sempri ch’iddi sichini à riprincipià.
Ancu chivi, in Corsica, ci hè issu sintimu amaru d’ùn pudè fà nienti.
Steti à senta à Virginie Letellier, prufissori d’aducazioni fisica è spurtiva à u culleghju di Biguglia.
In Aiacciu, u Rittori d’accademia hà visitatu parichji stabilimenta, po’ hè andatu à dui ori à u liceu Litizia.
Hà ripresu culandi i parolli di u ministru di l’aducazioni, dindu chì a scola devi stà arritta.
Jean-Philippe Agresti hà parlatu di a sicurità in i stabilimenta, è di a nicissità di fà ch’idda sichi sempri, a scola, spaziu di dialugu è di riflissioni.
Steti lu à senta.
