Les classes préparatoires en grève contre le décret Peillon
(A redazzioni d'Alta Frequenza) - Ssu luni, in Francia sana, prufissori è elevi di i scoli priparatorii à i grandi scoli sò in greva pà fà cunnoscia u so disaccordu di pettu à un dicretu di Vincent Peillon, u ministru di l'Educazioni naziunali. Quissu quì dumandaria à i prufissori di i scoli priparatorii di veda u so numaru minimu d'ori à settimana rialzatu, cù una calata di a paga pudendu essa di 15% sicondu i casi, calati di a paga chì sariani ridistribuiti à i prufissori chì travaghjani ind'i zoni d'educazioni priuritarii, pà sei auri u mesi è par ogni prufissori. Difindendu un sistema chì ùn hè micca solu pà un'elita, alidlà di casi propiu marghjinali di scoli priparatorii parighjini duva si pò truvà parechji fighjoli di ministri, i prufissori facini valè una priparazioni di corsu assai pisiva par via di u prugramma chì ci voli ad insignà è di a ricchezza di i copii resi da l'elevi, è una vera cuntradizzioni trà i statistichi pessimi nant'à a qualità di l'insignamentu in Francia è ssu dicretu chì, d'appressu à ssi prufissori, vinaria à indebbuliscia i scoli priparatorii. A Corsica t'hà dui CPGE, una scentifica in Aiacciu, l'altra literaria in Bastia.
Steti à senta à Vanina Profizi, prufissori di storia di a CPGE literaria di Bastia.
Sur le même sujet
