Les chiffres du chômage en Corse en baisse significative sur un an
In fin’di sittimana passata, in prisenza di a DIRECCTE è di Pôle Emploi, Josiane Chevalier, a prifetta lla Corsica, hà prisintatu i sciffri di u disimpiecu pà a terza trimisata llu 2019.
È issi sciffri sò ancu boni, chì u parcintuali hè calatu di 0,8 % in un annu, ghjughjindu ni à 8,6 %. Vali à dì chì, cuntendu ugni catiguria, i disimpiicati in Corsica sò 20970. Ma par issa calata, ùn si pò sapè chì parti currispondi à parsoni ch’ani ritrovu un impiecu, è chì parti currispondi à radiazioni da i cartulari.
A calata si vidi ancu di più ind’è quiddi ch’ani francatu i cinquant’anni, cù una falata di 4,7 punti in un annu, è ind’è i disimpiicati di longu andà, cù una falata di 5,2 punti in un annu.
Cusì, in un annu, sò affaccati 1600 impiechi novi, masimu in u bastimentu è in u tirzariu marcanti. Senza cuntà chì certi dispusitivi, com’è u marcatu di l’imparera, parini viaghjà bè.
Stemu à senta à Josiane Chevalier, a prifetta lla Corsica
