Législatives : Stéphanie Grimaldi ne donne aucune consigne de vote
(A redazzioni d'Alta Frequenza) - Dopu à Jean Martin Mondoloni, chì hà fattu a scelta di lacà i so alittori libari pà u sicondu ghjiru di i legislativi in a siconda circuscrizzioni di Corsica Suprana, l'altra candidata di diritta Stéphanie Grimaldi hà dicisu di fà listessu affari. L'hà annunziata ssu luni à sera in un cumunicatu. "Com'è candidata, invitu tutti quilli chì ani raghjuntu a me dimarchja à andà à vutà dumenica chì veni, com'è a so menti è a so anima li dicini di fà. Scegliu d'ùn dà nisun cunsigna di votu, prima in a seguita logica di a me lotta contr'à u prugramma d'Emmanuel Macron. Dopu, in a chjarezza di i me cunvizzioni è di i me valori, postu ch'aghju dinunziatu duranti ssa campagna l'incuerenza di a candidatura naziunalista in ssu gennaru d'alizzioni", hà dichjaratu a presidenti di a federazioni di u partitu Les Républicains di Corsica Suprana.
Sur le même sujet
