Législatives : Paul-Marie Bartoli privé de second tour dans le 2ème 2A
(A redazzioni d'Alta Frequenza) - Ind'a siconda circuscrizzioni di Corsica Suttana, l'avenimentu forti hè l'eliminazioni, à u primu ghjiru, di Paul-Marie Bartoli, candidatu di a manca. Cù 17,20% di i voti spressi, iss'ultimu ùn trappassa micca i 12,50% di i scritti. Sarà dunqua assenti pà u sicondu ghjiru. Iss'ultimu s'annunzia caldu, postu chì Camille de Rocca Serra sarà uppostu à un naziunalistu, Ghjuvan Cristofanu Angelini. Cù 33,44% di i voti pà u candidatu UMP, contr'à 21,50% pà quillu di Femu a Corsica, u scartu hè maiò. Ma, a cunfigurazioni pà un duellu, inveci di una triangularia, apprufitta largamenti à u candidatu naziunalistu, chì hà dighjà lampatu una chjama à l'alittori di manca, è di Corsica Libera. Com'è pà l'ultimi municipali o cantunali in Purtivechju, issu scrutinu pari essa assai strettu trà u diputatu attuali è u so challenger.
Sur le même sujet
