Législatives : Laurent Marcangeli en tête sans surprise dans la 1ere circonscription de Corse-du-Sud
Trè diputati naziunalisti in pusizioni favurevuli pà u sicondu ghjiru, è un quartu chì passa : eccu u risultatu lla prima mani di l’alizzioni lighjislativi d’issu dodici di ghjunghju in Corsica.
Ma a participazioni hè stata poca poca.
In a prima circuscrizzioni llu Pumonti, ind’iddu ùn si hè riprisintatu u diputatu elettu, Laurent Marcangeli hè primu cù 33,70 % lli voti. Daretu ad iddu, Romain Colonna, u candidatu di « Femu a Corsica – Fà Populu Insemi » faci 17,48 %.
Nathaly Antona è Jean-Paul Carolaggi facini tremendui 12,69 %, cù un solu votu di più pà a candidata di u RN. Michel Mozziconacci si busca 9,27 % lli voti.
Laurent Marcangeli aspetta dunqua u dibattitu llu sicondu ghjiru pa cunfruntà u so mudellu à quiddu di Romain Colonna.
U merri d’Aiacciu si rallegra d’issu votu favurevuli, ma teni quantunca una certa misura analizendu issi risultata.
Steti lu à senta.