Législatives : Jean Zuccarelli ne donne aucune consigne de vote
(A redazzioni d'Alta Frequenza) - Ancu s'ellu ùn era micca candidatu à i legislativi in a prima circuscrizzioni di Corsica Suprana, Jean Zuccarelli hà dicisu quantunqua di dà una cunsigna di votu pà u sicondu ghjiru. O piuttostu d'ùn danni, postu ch'ellu faci cunnoscia a so "dillusioni maiò di veda a manca priva d'una manera inghjusta di sicondu ghjiru è saluteghja a campagna rializata da François Orlandi, penalizatu da a cuncurrenza micca leali di Julien Morganti. Pà a terza volta contr'à quilli di quali pratendini fà parti, ss'ultimu è i so amichi ani fattu a dimustrazioni di a so mancanza di rispunsabilità. Dopu avè datu Bastia à i naziunalisti, ani fattu perda a manca senza tena contu di i so ingaghjamenti". Di fatti, "invita tuttu ognunu à ditarminà d'una manera libara u so votu à prò di u candidatu chì raprisenta u più d'appressu à ellu i valori di libertà, d'ugualità, di sulidarità, di laicità è d'unità di a nazioni, in a perspettiva di l'adunita di i forzi di manca è di prugressu pà pudè prupona un'alternativa à a maghjurità tarrituriali in postu."
